ახალ სასწავლო წელს “კინგსი” ინგლისური ენის ოლიმპიადით იწყებს. შემოდგომის სეზონზე კომპანია კინგსელებს უამრავ სიახლესა და მრავალფეროვან პრიზებს გთავაზობთ.
“კინგსის“ ოლიმპიადაში მონაწილეობის მიღება შეუძლიათ ზოგადსაგანმანათლებლო დაწესებულებების III, IV, V, VI, VII, VIII, IX, X, XI, XII კლასის მოსწავლეებს. პირველ ტურში მონაწილეობის მიღება უფასოა!
პრიზები გამარჯვებული კინგსელებისთვის!
“კინგსი” ინგლისური ენის ოლიმპიადის გამარჯვებულებს გამორჩეულ პრიზებს სთავაზობს. კომპანია თითოეული კლასის გამარჯვებულ შვიდეულს კვლავაც გაძლევთ შესაძლებლობას მომქანცველი სასწავლო სემესტრის შემდეგ გაემგზავროთ სასტუმრო-კომპლექს "ანაკლიაში", სადაც მონაწილეებს აქტიურ დასვენებასთან ერთად მრავალი შემეცნებითი ღონისძიება ელოდებათ. ეს პრიზი კინგსელებისთვის ყველა მატერიალურ პრიზზე ფასეულია, რადგან ტურზე აქტიურ დასვენებასთან ერთად მოსწავლეები ეჩვევიან დამოუკიდებლობას, იმუშავებენ ლიდერობის უნარ-ჩვევებს, იღრმავებენ ცოდნას და, რაც ყველაზე მთავარია, იძენენ ახალ მეგობრებს.
“კინგსის” ინგლისური ენის ოლიმპიადის შემოდგომის სეზონზე გრანდიოზული პრიზი ოლიმპიადის პირველადგილოსან მეშვიდე კლასელს გადაეცემა! ყველა მეშვიდე კლასელს ეძლევა უნიკალური შესაძლებლობა გახდეს „კინგსის“ ინგლისური ენის ოლიმპიადის მთავარი პრიზის მფლობელი: მოიპოვოს 100 %-იანი დაფინანსება და გაემგზავროს ლონდონში 2 კვირიან სასწავლო პროგრამაზე. გამარჯვებული კინგსელის სპეციალური პრიზის სპონსორია "British House" - გაცვლითი პროგრამების წამყვანი ცენტრი საქართველოში.
თითოეული კლასის პირველადგილოსან კინგსელს სპეციალური სმარტფონი გადაეცემა!
ყველა კლასის გამარჯვებულს „კინგსის“ პარტნიორი „ELLC“ – English Language Learning Centre დაუფინანსებს ინგლისური ენის 3 თვიან მოსამზადებელ კურსს უცხოელ პედაგოგებთან.
პირველადგილოსან მეთერთმეტე კლასელს კომპანია მათთვის განსაკუთრებით საჭირო პრიზს გადასცემს. ამ კლასის გამარჯვებული მოსწავლე სრულიად უფასოდ გაივლის აბიტურიენტთა მოსამზადებელ კურსს "კინგსის" პარტნიორ, საერთაშორისო სტანდარტების მქონე სასწავლო ცენტრში „ELLC“ – English Language Learning Centre.
ოლიმპიადის ფინალისტებს განახლებული სერტიფიკატები და შესაბამისი ხარისხის დიპლომები გადაეცემათ!
ჩატარების ადგილები
ოლიმპიადა საქართველოს 20 ქალაქში ტარდება: თბილისი, რუსთავი, გარდაბანი, ახალციხე, თელავი, გურჯაანი, გორი, ქარელი, ხაშური, ზესტაფონი, ქუთაისი, ჭიათურა, სამტრედია, ბათუმი, ქობულეთი, ზუგდიდი, ფოთი, ოზურგეთი, მცხეთა, დუშეთი.
ჩატარების განრიგი
კინგსელების მზარდი რაოდენობის გათვალისწინებით, ოლიმპიადის ჩატარების განრიგია:
I ტური - 11-12 ოქტომბერი;
II ტური - 1-2 ნოემბერი;
III ტური - 9 ნოემბერი.
რეგისტრაცია
ოლიმპიადაში მონაწილეობისთვის მოსწავლემ უნდა გაიაროს ონლაინ რეგისტრაცია „კინგსის“ ოფიციალურ ვებ-გვერდზე WWW.KINGS.GE. რეგისტრაცია 22 სექტემბრიდან 11 ოქტომბრამდე მიმდინარეობს!
პირველ ტურში მონაწილეობის მიღება უფასოა!
გაიარე უფასო რეგისტრაცია, გაიმარჯვე და იყავი წარმატებული კინგსელი!
