2014-05-08
10-11 მაისს "კინგსი" ორგანიზებას უწევს ინფორმატიკაში საქართველოს ეროვნული ნაკრების შესარჩევ ტურებს. შესარჩევ ტურებში მონაწილეობას მიიღებენ ის მოსწავლეები, რომლებიც ეროვნული ოლიმპიადის დასკვნითი ტურების შედეგად შესაბამისი ასაკობრივი კატეგორიის 10 საუკეთესო მონაწილეს შორის მოხვდნენ და გადალახეს 1/3-იანი ბარიერი. შესარჩევი ტურები გაიმართება თბილისში, საქართველოს ტექნიკური უნივერსიტეტის მე-6 კორპუსში, მის.: კოსტავას 77. მონაწილეები ტურზე უნდა გამოცხადნენ 9 საათსა და 30 წუთზე.
შეგახსენებთ, რომ ოლიმპიადა იმართება საქართველოს განათლებისა და მეცნიერების სამინისტროს დაკვეთით, ხოლო სპონსორები არიან "კავკასუს ონლაინი", "კავკასიის უნივერსიტეტი - კავკასიის ტექნოლოგიების სკოლა", "Spinom Network Management". ღონისძიების მედია პარტნიორები არიან: Marketer.ge, ტელეკომპანია GDS და Ideahub.
