მამებისა და შვილების დაპირისპირებას ისეთი რადიკალური სახე არასდროს მიუღია, როგორიც დღეს. იმ ფაქტს, რომ შვილები ყოველთვის იმარჯვებენ ვერსად გავექცევით და მოგვწონს კიდეც, რადგან ამის გარეშე, ტექსტი, რომელსაც ახლა კითხულობთ „საანჯმნოდ ძნიად და იშვით საკითხავი რამ“ იქნებოდა. მიუხედავად ამისა, ჩვენ მაინც ვხდებით კონსერვატორი მამები და ვდარდობთ კითხვაზე, უფრო ვჭკვიანდებით თუ ვსულელდებით?
აკადემიკოს ჯეიმს რ. ფლინს თუ დავუჯერებთ, შეგვიძლია ამ კითხვაზე ბევრი არ ვინერვიულოთ, რადგან მე-20 საუკუნის დასაწყისიდან IQ ტესტირების შედეგმა სამი ქულის საშუალო სიჩქარით დაიწყო სწრაფი ზრდა. აღსანიშნავი ფაქტია, რომ დღეს არა მხოლოდ მეტ დამატებით კითხვას ვცემთ პასუხს IQ ტესტებში, არამედ მეტ სწორ პასუხს, და ასე, შემდეგი ყოველი თაობა. მაგრამ აქ უფრო მეტ კითხვას ვაწყდებით, რადგან თუ საუკუნეების წინ მცხოვრებ ხალხს დღევანდელ ნორმას შევადარებთ მათი საშულო კოეფიციენტი 70 იქნება, რაც გონებრივი ჩამორჩენილობის ზღვარს უტოლდება. ხოლო თუ ჩვენს შედეგებს მაშინდელ ნორმას შევადარებთ საშუალო კოეფიციენტი 130 იქნება, რაც ნიჭიერების ზღვარია. ცხადია, არც მე და არც ჯეიმს ფლინი არ ვფიქრობთ, რომ სამყარო ,დღესდღეობით, გენიოსებით დაკომლექტებული თემია, თუმცა არსებობს მესამე ალტერნატივა.
ადამიანის გონება შეიძლება შევადაროთ რომელიმე პრეისტორიულ ცხოველს, რომელიც საუკუნეები განიცდიდა მუტაციას ,რათა გადარჩენილიყო. დღეს იმისთვის, რათა სამაყროს საკუთარი სარგებლობის კუთხით შევხედოთ საკმარისი არ იქნება ქვისა და ხის იარაღები, დღევანდელი ადამიანი ძალიან რთული სამყაროს პირისპირაა. შედეგად ვიმუშავებთ ისეთ გონებრივ ჩვევებს, როგორიცაა აბსტრაქციების შემოტანა, ჰიპოთეტური და ანალიტიკური მსჯელობა, კონკრეტული მსოფლიოს კლასიფიცირება.
ფლინი გვთავაზობს შემდეგ ილუსტრაციას: თუკი მარსიანელი არქეოლოგი დედამიწაზე ჩამოვიდოდა და იპოვიდა მიზანში სროლის შედეგებს, 1865 წლის ვერსიაზე ნახავდა, რომ ადამიანი ერთ წუთში ერთ ტყვიას ახვედრებდა ცენტრში. 1898 წელს, ხალხი წუთში 5 ტყვიას მოახვედრებდა მიზანში, ხოლო 1918 წელს მაჩვენებელი 100 ტყვია იქნებოდა. ცხადია , ჩვენი მარსიანელი შოკში იქნებოდა ხელის სიმტკიცის ასეთი განვითარებით, თუმცა ჩვენ ვიცით, რომ პირველი ტყვია მუშტაკისგან იქნებოდა, მეორე რევოლვერისგან, ხოლო მესამე ტყვიამფრქვევისგან. შესაბამისად, ჯარისკაცის კარგი მხედველობისა და მტკიცე ხელის მიზეზი, იყო ხელსაწყო, რომელიც ეჭირა. მე კი იმ „ხელსაწყოზე“ მსურს გავაგრძელო საუბარი, რომლის საშულებითაც საგრძნობლად გაიზარდა ინფომაციულობისა და ცნობიერების დონე.
ტექნოლოგიას შეუძლია შეცვალოს ბავშვების ხედვა, რას სწავლობენ, როგორ ურთიერთქმედებენ უფროსებთან და თანატოლებთან. გარდა ამისა კომპიუტერს შეუძლია მობილურობისა და კონტროლის განცდების გაძლიერება, ასევე თვითშეფასების გაუმჯობესება. ფაქტობრივად ყველა ლიტერატურასა თუ ინფორმაციაზე თავისუფალი წვდომა აქვს ნებისმიერ მოსწავლეს, რაც მათ უზოგავს დროს და ენერგიას. ხდებიან მეტად ინტეგრირებულები, სწავლობენ უფრო მეტ ენასა და კულტურას გაცილებით საფუძვლიანად, შეუძლიათ გაიზიარონ სხვა ქვეყნის მაგალითები, გაიარონ ონლაინ კლასები რომელიმე საგანში და გაერთონ მრავალი ინტელექტუალური თამაშით. მიუხედავად ამ მრავალი სიკეთისა, ბავშვებს უჭირთ იპოვონ ზღვარი გართობის დასრულებასა და შემეცნების დაწყებას შორის, ამიტომ ვფიქრობ, ნებისმიერ მშობელსა და მასაწაველბელს შეუძლია გამოიყენოს სათავისოდ ეს ფაქტი და აქციოს ბავშვის გართობა ერთგვარ განვითარებად, ამიტომ გთავაზობთ რამდენიმე შემეცნებით-გასართობ საიტს.
ანანო ნიქაბაძე
ავტორი: ანანო ნიქაბაძე
პოპულარული ბლოგ პოსტი
ბლოგი ბლოგი ბლოგი ბლოგიი